SORPRESA

I have been posting political poems. Here is a love poem I wrote two years ago. joi

SORPRESA


Nagmamang-maangan ako
tuwing aking kaarawan.

Nahuhulaan ko ang birthday cake,
Putaheng masarap
At lobong lumilipad-lipad
Ngunit nagpapanggap
Na walang nalalaman.
Pagbukas ng pintuan,
Tiyak ko nang sa pagbungad
Ay may sigaw ng pagbati,
Ngunit umaakma pa ring gulat
Samantalang abot tenga ang ngiti,
At masayang nagpapasalamat.

Ganito rin ang pagsinta.
Parang sorpresa.
Kapwa kaya na naghihintay,
Nag-aabang ng pagtatapat?
Pigilan pa ang damdaming umaalpas.
Huwag tusukin agad
Ang lobo ng pangarap.


Joi Barrios
Ika-15 ng Marso 2005